Tetap SeAti... Begulai SaMpai KemATi..

Sigi udah gaya pengidup kita mensia ada didunya, endang sigi mayuh penguji. Tusah enggau senang sigi di sepi kitai magang. Baka nyak mega cerita pengidup Herry enggau Serina. Di setiap jalai pengidup seduai ia macam2 penguji ti datai nuntung, ngujung keseduai ia....
Kerebak tawas, jam di dinding nunjuk ke pukul 7.00 am. Hp Herry bemunyi madah ke bc msj datai. Herry alu angkat alu nyapai hp ia di atas meja.
"morning cyg... " piak ko munyi msj ari Serina. "Monink..." msj nyak di balas Herry. Udah nyak Herry pan alu nuju ke bilik mandi lalu mandi laban ke deka nurun ke kolej pkul 9.00 am lgi.
"betemu ada kolej lgi cyg..." msj nyak datai baru ari Serina.
Herry enggau Serina tok sebela anak urg pemisi, kira anak urg kaya lah nyak... seduai tok benung nyambung pelajar seduai aba siti kolej di miri, ianya kolej fajar. Seduai ia udah lama bepangan, bepun ari seduai ia sama sekul secondary suba. Tang meh pengawa seduai nyak enda ditemu apai seduai. Pengerindu enggau penyanyau seduai endang sigi enda kala bebagi, biar pan nama meh jaku petenah urg seduai sigi enda ibuh. laban munyi ko sumpah seduai,semina petera ajak ulih nyerara tua. biar pan tsunami datai pgerindu seduai ia sigi enda melaka. Herry amai2 sayau ke Serina, piak mega Serina amai2 sayau ke Herry. Tang meh siti penanggur ia ke ti balat amat ngaca pengerindu seduai ia. Apai seduai enda nyagi seduai ia begulai.
"Herry.... sapa indu ke enggau dik bepangan nyak?.. nyau senyum2 kediri nunga laptop... bc mat utai nyak.... " ko apai Herry (Bunyau) nanya Herry ke benung kisuk berfacebook bechatting enggau Serina dalam facebook.
" Serina.... nma indu nyak apai.... anak ayak Mujap" piak ko saut Herry...
"Apuuu.... Serina anak Mujap..." Bunyau (apai Herry) pan alu angkat lalu ngempas ke surat khbar ke benung dibaca ia nyak di atas meja. Tak naka meh pemedis-medis ati bunyau ningga anak ia madah ke diri bepangan enggau anak Mujap. Tak nyau asai ke digerami garam. Amat tak lekat mata tudah tuai merening mua anak ia nyak. Herry pan nyau takut meh meda ulah apai ia baka nyak...
"Badu nuan bepangan enggau anak Mujap nyak... nadai guna peturun mujap nyak..." piak ko Bunyau nganu anak ia.
"Nama kebuah aku mesti badu bepangan enggau Serina... apai?.... aku sayau amai ke serina, nadai sapa ulih nyerarak kami duai..." ko Herry alu bediri nyaut jaku apai ia.
"PAP!!!".... jari Bunyau inggap di mua anak ia Herry. "Aku madah, anang, anang meh.... lapa enda mending ke jaku aku?.... dik nya baru kemari ke ada didunya, enda nemu d kisah lama kami kelia..." amat nganu amat Bunyau maya nyak... Herry pan alu belanda niki keatas enggau ati ti pedis sepengudah ia ke ditampar apai ia nyak tdi. Di baruh... Bunyau majak kucau-kucau nyau munyi burung semalau ngerak urg dani pagi. Enda berasai gak ai mata Herry labuh nanya nerutu bak kuyu baka ujan nyala lemai, sinu amat gak ati Herry nyau asai ke disayat sembuli. Naka meh penusah ati Herry laban ke udah ningga jaku apai ia nyak tadi.
Pagi siti, baka biasa mega, Herry nurun ke kolej piak mega Serina. Seduai ia pan betemu di kolej. Tang meh sari nyak, seduai ia enda masuk kelas. Herry mai Serina dating di baruh pun kayu ke selalu enda seduai ia betemu ngelama tok. Datai di baruh pun kayu nyak, seduai pan alu duduk, jari Herry alu mega jari Serina.
"B.... aku amai sayau ke B... B sayau ke aku ka? piak ko munyi tanya Herry lalu nelai pending Serina. "Herr... aku pan sayau mega ke nuan Herr.... seagi bisi langit enggau tanah, seagi nyak meh aku sayau ke nuan..." piak ko saut Serina. Herry enda memunyi ningga jaku Serina munyi nyak.
"Herr.... nma nuan tak diau ajak?... nuan baka ke bisi problem peda aku..." tanya Serina. Herry alu mantai ke siti tabung. "Nama nyak Herr..." ko Serina... " Tok meh dkumbai urg tabung perangka masa.... aku ka tua sama nulis siti surat madah ke pengerindu tua ke pangan diri..." ko Herry nyaut Serina. Sepengudah seduai ke tembu nulis surat nyak, Seduai pan alu nyimpan surat nyak ke dalam tabung perangka masa. Udah nyak Herry pan alu numbak siti lubang dikena seduai ia nanam tabung nyak. Tabung nyak pan di tanam seduai dibaruh pun kayu endur seduai selalu betemu nyak. Seduai ia bejanji deka muka tabung nyak dua tahun udah nyak.
Udah nyak seduai pan duduk baru... maya nyak ari udah belabuh deka ujan... mua ari nyau petang di langit din. Enda berasai peda tak neritik ai mata Herry meda mua Serina. Serina pan alu merap Herry. "Herr.... nma hal dik cyg?... " sambil ke betanya ai mata Serina pan labuh mega laban ti meda ulah panggan ia baka nyak. Di dalam ati Serina endang sigi nyangka Herry nyak bisi masalah. Laban ngelama tok... Herry enda kala baka nyak.
"B.... ke bendar ia... aku udah ditagang apai aku begulai enggau nuan, ia ngasuh aku ninggal ke nuan.... enti nyema aku agi begulai enggau B... apai aku deka mai aku pindah ke london..." piak ko saut Herry. Serina enda memunyi, ia majak merap Herry. "B.... aku sigi enda ngelengka ke nuan, biarpan mesai seleka padi penyayau aku ke nuan endang sigi enda berubah... laban aku bepegai aba janji tua suba... enti ukai petara nyerara tua, tua sigi enda beserara..." udah ke nyebut jaku nyak, Herry pan alu nyium mulut Serina. Serina enda memunyi, ia semina ngetat ke sium Herry nyak. Maya nyak leka ujan pan alu labuh ngemasah ke tanah. Taja pan ujan Herry enda ngelengka ke Serina, seduai ia majak besium nadai ngirau ke ari hujan. Hari ke ujan pan nyau makin lebat, makin lebat ujan, makit erat gik gak seduai ia besuim.
Enda lama udah nyak, ditanah seberai dua iti kereta mercedes benz merati ke seduai ke benung besium dibaruh pun kayu nyak. Kreta nya benumur QMQ 2459 enggau QMM 3361. kereta nyak kereta Bunyau seduai Mujap. Bunyau sedua Mujap pan alu pansut ari kereta, lalu dipayung bala anak buah seduai ia. Bunyau seduai Mujap pan alu ngasuh bala anak buah seduai ngambi Herry enggau Serina di tanah seberai. Seduai ia nemu apai Seduai ia datai, tang meh seduai enda meleka ari pangan dri, enti lari nadai meh guna kena tangkap meh legi.. piak ko runding seduai ia. Datai di endur seduai ke beberap nyak... bala anak buah Bunyau seduai Mujap pan alu nangkap lalu nguji deka meleka ke Herry seduai Serina. Tang meh seduai nyak enda melaka ari pangan diri.
"PAP!!!!...." pala Herry di hentak enggau pugu senapang. Udah nyak baru seduai ia meleka. Herry pan luput, Serina dierit bala anak buah apai ia nyau enggau sabak2... rauh2 minta ambi Herry. Herry nadai daya laban ke nyau luput.
"Anang ngasuh anak nuan ngacau anak aku agi..." piak ko jaku Mujap.
"Bancat dik Mujap... anak dik nyak ke ka gila enggau anak aku.... enti nyema umur aku panjai... semua peturun aku sigi enda asuh aku betampil enggau purih pantih kitak...." saut Bunyau. Amat pedis endar ari Bunya maya nyak meda Mujap... enti semak sigi dipulas ke ia rekung Mujap. Mujap enda nyaut utai ko ia, ia alu terus masuk kereta.
Datai di rumah Mujap lalu nampar mua anak ia Serina. Nyabak meh tudah Serina tok tdi... semua barang anak ia baka hp, enggau laptop alu diambi Mujap, Mujap lalu ngurung anak ia di dlm bilik ngambi ke badu betemu enggau Herry. Piak mega Herry pan digagak apai ia baka nyak. Naka meh pemerinsa pengidup Herry enggau Serina sepengudah seduai ke di gagak apai seduai baka nyak... semina ai mata ajak meh dikena ngemansut ke sebana ati seduai ia. Taja piak., penyanyau enggau penyiru herry enggau Serina sigi enda berubah. Seduai ia pan enda ulih betemu agi laban kawalan apai seduai ia kelalu ketat. Terang dunya asai ke petang meh aba pengidup seduai ia. Naka meh penalam telih di ati seduai ia digagak apai seduai baka nyak.

Sebulan kemudian...

Sebulan sepengudah seduai ke ditagang betemu, Herry dibai apai ia mindah ke London. Ninga pemutus jaku apai ia munyi nyak, Ati Herry balat amat irau. Laban ia sigi enda ulih betemu enggau Serina agi, tambah mega Herry nadai cara di kena ia madah ke Serina ia deka ninggal ke menua Miri. Sepengudah ke lama berunding, Herry pan minta tulung ari kaban ia Bonny. Herry nulis siti surat lalu ngasuh Bonny nganjung surat nyak ngagai Serina sari nyak mega. Laban sari nyak meh ari ke penudi Herry aba Miri. Datai di rumah Serina, Bonny pan lalu magi surat nyak gik Serina, Serina berasai gaga amai ati laban bisi nerima surat ari Herry.
" Hai B.... nma berita nuan?... Aku ditu gerai2 baka selama, taja pan telih di ati aku alu bedau suman. Rindu amai aku ke nuan B.... siang enggau malam aku berai ke nuan. Arap ke pengerindu B... endang meruan baka selama, endang enda berubah. B... ke bendar tuju aku nulis surat tok... laban deka madah ke nuan, aku deka dibai apai aku pindah ke London... lemai tok lagi flight aku B... pkul 7.pm. Arap ke B... enda lupa ke aku meh.... cyg B....
Bye2... I love U Serina...
yang dicintai,
Herry.
Sepengudah ke maca surat nyak ai mata Serina pan lalu labuh bekeberai nanya. Nyabak laban ke ngenang pangan ia Herry deka ninggal ke ia selama-lama ia. Semina beberapa jam dak agi sebedau Herry ninggal ke menua Miri. Serina ndai daya ia semina nyabak ajak. Jam di dinding udah nunjuk ke pkul 6.00 pm. Semina sejam ajak masa ke agi tinggal. Serina lalu belanda nuju ke bilik apai ia, lalu ngambi kunci kereta. Nyadi apai ia enda sempat ka nagang ia, Serina pan lalu ngurit ke kereta lalu memecut laju nuju ngagai airport miri. Maya nyak ujan benung lebat, jalai pan licin. laju amat kereta di bai Serina maya nyak, laban ke deka berumban.... tiba2...
"Pettttt!!!..."... lori kayu balak ngehon ke Serina...
"Pom!!!..." ... kereta ke dibai Serina lalu masuk ke baruh lori kayu balak nyak.
Herry sigi udah lama datai di airport miri. Nyau jenggau-jenggau gak rekung tudah Herry ngigak Serina, ngicak ke bisi dipeda ia ayan di airport diak. Tang meh Serina alu nadai ayan. Herry enggau apai ia pan lalu nuju balai belepas. ....

*Dua tahun udah nyak...

Herry pan nyau bisi kereja gak, Herry pan madah ke apai ia, ia deka nemuai ke Miri laban ke bisi projek besai di Miri. Laban ke nitih ke janji seduai ia Serina suba, seduai ia mesti betemu di pun kayu alai endur seduai ia numbak ke tabung perangka masa ke 13/11/2011 ia nyak sepengudah dua tahun udah nyak suba. Datai dimiri, Herry pan lalu ngelawa tempat ke udah dijanji seduai ia nyak. Herry ngarap amat ia ulih betemu enggau Serina diak, datai diak Herry pan lalu numbak tabung nyak lalu maca surat ke ditulis Serina. Sepengelama Herry ke diak, ari pan nyak deka betukar malam, Herry pan ngambi pemutus ia deka tinduk diak nganti penatai Serina.
Ari pan nyau bekalih tawas, silau endar mata Herry laban ke kena cahaya matahari pagi. Di encelak ke ia mata, peda ndai gak Serina ngerimbai ia diak. meda baka nyak Herry pan nuju rumah Bonny. Berasai gaga amai ati Bonny nerima penatai Herry laban ke udah 2 tahun enda betemu. Herry pan lalu betanya...
"Bonny... nama berita Serina diatu?.... agi single ia ka?... ko Herry....
Bonny enda nyaut tanya Herry nyak.... "Nai... nma gak dik tau diau ajak..?"... ko Herry nanya meda Bonny enda nyaut di tanya ia tadi. Bonny pan lalu angkat lalu nuju ke bilik ia. Udah nyak Bonny datai baru lalu mai surat khbar ke bertakrih 14/10/2009. Bonny pan lalu nyuak ke surat khbar nyak gik Herry... " Seorg wanita maut ditampat kejadian setelah kereta dipandu nya merempuh sebuah lori kayu balak........".... bedau abis berita nyak dibaca Herry, ai mata Herry pan lalu labuh bekeberai nanya.
Baru meh Herry nemu Serina ia ke ti di anti ia kemari udah nadai, udah midang pulai ke batang mandai maya ari ia pulai ke London suba. Naka meh penyinu ati Herry sepengudah ia kenemu berita nyak. Malam nyak, Herry pan niki pub laban ke deka merindang ati ia ke ti balat amat tusah nyak. Nyau abis mabuk Herry ngirup di pub. Nyau ulih Bonny mai pulai... malam nyak Herry bemalam di rumah Bonny laban ke mabuk lalu enda ulih pulai ke hotel.
Pagi siti Herry pan berangkat pulai ke London baru, diau lama ia di miri ndai meh guna, urang ke di anti-anti ia sigi tetap enda pulai agi... Datai di London, pengidup Herry jauh amat berubah ari biasa. Herry disah ke doctor gila, laban ke kelalu balat merampau ke pangan ia Serina ke udah mati accident. Sepengelama ke udah idup baka nyak, Herry pan ngambi pemutus lalu munuh diri enggau ngirup racun. ... baka nyak meh cerita cinta Herry seduai Serina.... Sekian terima kasih...

"biarpan mesai seleka padi, penyanyau aku ke nuan sigi enda berubah..."
~Boniface sili~