lebuh maya lemai ari...aku duduk bak ujung tanju
enda berasai...
ai mata aku labuh bekeberai nerutu bak kuyu
baka ujan nyala lemai..
nuan asai ke bisi ayan duduk ngerimbai aku..
senaya nuan endang seruran...
sesindau ayan bak mata aku
semina gambar nuan ke bisi dipeda aku berari
ia ke ti bisi dikena ngubat ati aku ti mawa ke nuan
enti suba aku selalu ketawa...
tang meh diatu ketawa aku diganti enggau leka sabak...
diatu pengidup aku enda meruan baka suba
ketegal aku ti kelalu merampau ke sulu
tubuh aku nyau kurus laban enda meruan makai
suba tua bejanji deka mati sereta..
tang meh janji tinggal janji
diatu nuan udah dulu ngejang pergi...
ninggal ke aku ke diri-diri ditu nguan dunya injau
oh... ambai, ambi meh aku...
nitih ke nuan pula ke batang mandai.
idup aku didunta tu nadai meh guna
enti semina idup berambun ke ai mata
diatu aku nyau gila laban ti udu merampau ke nuan
oh... ambai.. datai meh kitu.... mai aku pulai nitih ke nuan.....
hasil karya:
Boniface Sili
No comments:
Post a Comment